Messi apo Maradona? Materazzi: Fenomeni Ronaldo është më i miri

Ish-mbrojtësi i Interit, Marco Materazzi, ishte ndër lojtarët e ftuar nga Adriano Leite Ribeiro për ndeshjen e lamtumirës në futboll që ish-perandori organizoi në Maracanà.

Duke folur për mikrofonat e Globo, Matrix foli edhe për lojtarin më të mirë në historinë e futbollit, i cili ishte pak metra larg tij teksa fliste: “Mbi Adrianon ishte vetëm zotëria që tani po kalon pas këtu (Ronaldo), që për mua është më i forti në histori, sepse për mua ai bëri 25 vjet më parë atë që bënë sot Messi dhe Cristiano Ronaldo, por me një shpejtësi të pabesueshme”.

Më pas për ndeshjen e lamtumirës së ish-Perandorit: “Është hera e tretë që vij në Rio, më pëlqen shumë. Mundohem t’i bëj fëmijët e mi të kuptojnë se çfarë do të thotë ky vend për ata që e duan futbollin. Duke luajtur në Maracana është një ëndërr që bëhet realitet”.

“Adriano ishte i jashtëzakonshëm. Kur ai mbërriti, doja të bëja goditjen e lirë kundër Real Madridit, por për fat e bëri atë, e gjithë bota e njohu atje. Ka pasur dy eksperienca në Firence dhe Parma, më vjen keq që nuk e kishim me vete në vitin që humbëm kampionatin ditën e fundit, do të na kishte dhënë një dorë të mirë. Ai mund të kishte bërë më shumë, e dini, unë ia them gjithmonë këtë”.