Rikthehet Championsi, spikat superperballja Bayern – PSG

Sonte (e martë) në “Allianz Arena” do të zhvillohet një ndeshje interesante në Ligën e Kampionëve, mes Bayern Munchen dhe Paris Saint-Germain. Të dy këto klube gjigante janë në presion për të marrë rezultat pozitiv, pasi nuk janë në pozicion aspak aq të mirë.

Bayerni është në vendin e 17-të në tabelë, duke marrë gjashtë pikë nga katër ndeshjet e tyre evropiane këtë sezon, ndërsa PSG-ja është në pozitën e 25-të, me skuadrën e Luis Enriques që ka mbledhur vetëm katër pikë nga katër ndeshjet e tyre fillestare. Trajneri Vincent Kompany ka thënë se bayerni po shijon momentin në Bundesliga, ndërkohë që është gati edhe për Ligën e Kampionëve.

“Kur fiton 3-0 është normale që duhet të vlerësohen edhe pse e dimë që nuk është e lehtë. Në këtë ndeshje patëm 33 goditje në portë, por qëndruam të durueshëm deri sa gjetëm golat. E di se sa ishte fitorja, është e rëndësishme dhe e vlerësoj shumë, duke menduar edhe për sfidën e radhës në Ligën e Kampionëve ndaj PSG-së”, ka thënë Kompany.

Ndërsa një tjetër ndeshje interesante pritet të zhvillohet në Milano ku do të përballen Interi dhe Leipzigu. Interi është në vendin e pestë me 10 pikë, kurse klubi gjerman zë vendin e 32-të pa asnjë pikë të grumbulluar.

Të martën takohen:

18:45 Slovan Bratislava – AC Milan

18:45 Sparta Prague – Atletico Madrid

21:00 Barcelona – Brest

21:00 Bayer Leverkusen – RB Salzburg

21:00 Bayern Munich – Paris Saint-Germain

21:00 Inter – RB Leipzig

21:00 Manchester City – Feyenoord

21:00 Sporting CP – Arsenal

21:00 Young Boys – Atalanta