FSK-ja realizon për herë të parë kursin e karrierës për kapiten

Shkolla e Oficerëve, në kuadër të Akademisë së Mbrojtjes së FSK-së, ka filluar realizimin e kursit të karrierës për kapiten, për herë të parë.

Sipas njoftimit ky kurs ka për qëllim zhvillimin e aftësive taktike, teknike dhe të udhëheqjes për oficerët, duke i përgatitur ata për udhëheqje në nivel kompanie dhe për operacione të përbashkëta.

“Ky kurs është një mundësi e jashtëzakonshme për zhvillimin e oficerëve tanë, duke i përgatitur ata për sfidat e udhëheqjes në mjedise operacionale”, është thënë në njoftimin e FSK-së.