Jashari: Jam i lumtur për golin dhe fitoren ndaj Lituanisë

Muharrem Jashari është shprehur shumë i lumtur që ka shënuar golin e parë në fanellën e Kosovës.

Dardanët mundën Lituaninë (1-0), me golin e Jasharit, të hënën mbrëma në ndeshjen e fundit të këtij sezoni të garave në Ligën e Kombeve.

“Goli i parë? Secili trajner e ka zgjedhjen dhe grumbullimin e vetë. Më së shumti jam i lumtur për golin dhe fitoren. Dua të falënderoj bashkëlojtarët që patën një barrë të madhe në pjesë e dytë. Dua t’i falënderoj të gjithë bashkëlojtarët për pjesën e dytë”, ka thënë Jashari.

Ai ka folur edhe për largimin nga loja me karton të kuq.

“Kartoni? Pak janë emocionet, atmosfera e të gjitha. Për mua nuk ka qenë karton i kuq, tash do e shoh si ka qenë. Gjatë lojës mendova që ishte karton i verdhë”.

“Asisti i Muriqit? Edhe gjatë përgatitjes i kam thënë se topin e kërkoi gjithmonë. Për një moment e kam parë që më shikoi dhe e kam ndje që do ta shënoj golin”, ka pohuar Jashari.