Cleveland bën historinë, shënon 15 fitore radhazi

Cavaliers kanë mundur edhe Charlotte duke kthyer në një start ëndrrash këtë fillim sezoni të NBA.

Ekipi nga Cleveland ka regjistruar fitoren e 15-të radhazi në po kaq takime të këtij sezoni përballë Hornets duke barazuar kështu një rekord të vendosur më parë nga tri skuadra.

Cavs mundën 128-114 ekipin e Hornets në një duel ku spikati Darius Garland me 25 pikë.

Ndërsa paraqitje për tu vlerësuar ishte edhe ajo e Ty Jerome, i cili luajti në vend të Donovan Mitchell, duke realizuar 24 pikë në ‘Rocket Mortgage FieldHouse’ të Cleveland.

Një ecuri të tillë më parë e kishin bërë Washington Capitols dhe Houston Rockets respketivisht dhe në 1949 dhe 1994.

Ndërsa në 2016-ën Golden State Warriors, shkoi edhe më tutje duke vendosur një rekord absolut 24-0.