Kurti e Maqedonci flasin për bashkëpunimin në Këshillin e BE-së

Kryeministri Albin Kurti bashkë me ministrin e Mbrojtjes, Ejup Maqedoncin, janë takuar me zëvendëskryeministrin e Polonisë, Krzysztof Gawkowski, i cili gjithashtu është ministër i Çështjeve Digjitale.

“Diskutuam për marrëdhëniet ndërshtetërore, agresionin rus në Ukrainë, ndihmën që është duke ofruar Kosova në përkrahje të popullit Ukrainas, dhe për potencialin për bashkëpunim me Poloninë në sektorin e Teknologjisë si mundësi e dyanshme përfitimi”, ka njoftuar Maqedonci në “Facebook”.

Temë tjetër diskutimi ishte përgatitjet dhe rëndësia e bashkëpunimit ndërmjet dy vendeve gjatë Presidencës polake të Këshillit të Bashkimit Evropian në pjesën e parë të vitit 2025, raporton rtk.