ÇEKI, Mbi 250 000 familje pa energji elektrike, pas reshjeve rekord të shiut

Më shumë se 250 000 familje në Çeki kanë mbetur pa energji elektrike për shkak të reshjeve shkatërruese, njoftoi sot agjencia çeke e lajmeve, CTK duke cituar furnizuesit e energjisë.

Situata ishte më dramatike në pjesën lindore të rajonit Moravio-Silezian në kufirin me Poloninë.

Vetëm atje, më shumë se 100 000 familje nuk kishin energji elektrike.

Shirat kishin zbutur tokën, duke shkaktuar rënien e pemëve të shumta në linjat ajrore dhe linjat e tensionit të lartë.

Sinoptikanët presin që reshjet e shiut të vazhdojnë deri të hënën.

Pati ndërprerje të konsiderueshme të trafikut hekurudhor pasi pemët ranë në shina dhe rrugët e tejmbushura përmbytën pjesë të binarëve.

Rreth 40 linja hekurudhore duhej të mbylleshin plotësisht.

Në stacionin Studenka, linja kryesore e rëndësishme midis Pragës dhe Ostravës, u zhyt.

Si rezultat, shumë lidhje të ”Eurocity” drejt Polonisë dhe Sllovakisë u anuluan.

Autoritetet u bënë thirrje qytetarëve që të shmangin udhëtimet me makinë ose tren kudo që të jetë e mundur.

Çekia, Polonia dhe pjesë të Austrisë vazhdojnë të përballen me përmbytje të mëdha, të konsideruara historike, për shkak të reshjeve që nuk kanë të pushuar në të gjithë Evropën Qendrore. /ATSH/