Harrisi “gati” për të debatuar me Trumpin

Zëvendëspresidentja e ShBA-së Kamala Harris, thotë se është “gati” për të debatuar me ish-presidentin amerikan Donald Trump.

Ajo është në rrugën e saj për t’u emëruar si kandidatja e Partisë Demokratike për t’u përballur me Trumpin në zgjedhjet presidenciale të nëntorit.

Harrisi është në Washington për t’u takuar sot me kryeministrin izraelit Benjamin Netanyahu, duke folur para gazetarëve, ajo tha: “Unë jam gati, le të shkojmë”.

“Kam rënë dakord për debatin e rënë dakord më parë për 10 shtator”, u shpreh Harrisi, raporton Sky News, transmeton Klankosova.tv.

“Ai ra dakord për këtë më parë. Unë mendoj se votuesit meritojnë të shohin ekranin e ndarë që ekziston në këtë garë në skenën e debatit”, shtoi 59-vjeçarja.