Silvinjo përgatit ndryshime në formacion, 3 risi kundër Spanjës

Shqipëria po përgatitet për ndeshjen më të rëndësishme të Euro 2024, për “finalen” kundër Spanjës, që mund të sjellë një kualifikim historik në turin tjetër të Kampionatit Evropian.

Spanjollët janë kualifikuar tashmë, ndërsa kuqezinjtë besojnë te një mrekulli, pasi 3 pikë përballë iberikëve do të çonin kuqezinjtë në kuotën e 4 pikëve në grup, një rezultat që do të sillte automatikisht kualifikimin në turin tjetër.

RTSH Sport mëson se trajneri Silvinjo pritet që të bëjë disa ndryshime në formacion në ndeshjen kundër Spanjës.

Balliu, që njeh mirë kampionatin spanjoll, pritet të luajë në krahun e djathtë të mbrojtjes në vend të Hysajt.

Në sulm pritet që ta nisë si titullar Armando Broja, ndërsa Arbër Hoxha pritet që të luajë që nga minuta e parë në vend të Seferit.