FC Prishtina 01 kalon në “Main Round” të Ligës së Kampionëve

FC Prishtina 01 ka barazuar ndaj KSc Lubawa me rezultat 1-1 duke e ruajtur pozitën e parë në grup, për të kaluar në Main Round të Ligës së Kampionëve.

Pas dy fitoreve bindëse ndaj skuadrës islandeze, Isbjorninn (11-1) dhe ndaj asaj norvegjeze Utleiras (5-1), prishtinasi morën rezultat pozitiv edhe ndaj polakëve vendas të KSC Lubawa.

Drilon Maxharraj e shënoi golin në këtë ndeshje.

Pas këtij barazimi, Prishtina e mbyll Grupin D me 7 pikë, po aq sa KSC Lubawa, por me goldallim më të mirë, duke bërë që të jetë lider.

Komisioni i Futsallit të FFK uron FC Prishtina 01 për këtë suksese të klubit, por edhe futsallit kosovar në përgjithësi.