Policia konfirmon: Tre të plagosur në qendër të Podujevës nga të shtënat me armë zjarri – janë dërguar në QKUK

Tre persona dyshohet se janë plagosur nga të shtënat me armë zjarri në sheshin e Podujevës.

Lajmin për Express e ka konfirmuar zëdhënësi i policisë për rajonin e Prishtinës, Enis Pllana.

“Rreth orës 13:30, është pranuar informata për të shtëna me armë zjarri në Podujevë. Policia ka dalë menjëherë në vendin e ngjarjes dhe nga informacionet e para dyshohet se tre persona janë plagosur dhe të njëjtit  janë dërguar në QKUK, për trajtimin e nevojshëm mjekësor”.

Ai tha se aktualisht, njësitet policore po vijojnë me ndërmarrjen e  veprimeve  operativo- hetimore me qëllim të sqarimit të plotë të rrethanave të ngjarjes.