Sot finalja e Eurovision 2026, Shqipëria ngjitet e pesta në skenë
Shqipëria ngjitet sonte e pesta në skenën e finales së madhe të Eurovision Song Contest 2026, ku do të përfaqësohet nga Alis me këngën Nan.
Në garë për çmimin e madh të këtij edicioni janë 25 shtete, ndërsa nata finale do të hapet nga Danimarka. Austria, vendi mikpritës i këtij viti, do të performojë e fundit në skenën e “Wiener Stadthalle”.
Kënga shqiptare “Nan” është kthyer në një nga këngët më të komentuara dhe më të klikuara të këtij edicioni, pas performancës së Alis në natën e dytë gjysmëfinale, ku artisti elektrizoi publikun në arenë.
Sipas rregullave të finales së Eurovision 2026, votimi do të hapet pak para interpretimit të këngës së parë dhe do të mbetet i hapur gjatë gjithë performancave, si edhe për 40 minuta pas këngës së fundit. Publiku do të ketë mundësi të votojë deri në 10 herë për këngën e preferuar.
Finalja e madhe pritet të ndiqet nga miliona teleshikues në mbarë Europën dhe më gjerë, ndërsa Shqipëria synon një rezultat sa më të mirë me “Nan”, një këngë që ka marrë vlerësime për mesazhin dhe interpretimin e saj emocional.
Renditja e shteteve në natën finale:
-
- Danimarkë: Søren Torpegaard Lund – Før Vi Går Hjem
- Gjermani: Sarah Engels – Fire
- Izrael: Noam Bettan – Michelle
- Belgjikë: ESSYLA – Dancing on the Ice
- Shqipëri: Alis – Nân
- Greqi: Akylas – Ferto
- Ukrainë: LELÉKA – Ridnym
- Australi: Delta Goodrem – Eclipse
- Serbi: LAVINA – Kraj Mene
- Maltë: AIDAN – Bella
- Çeki: Daniel Zizka – CROSSROADS
- Bullgari: DARA – Bangaranga
- Kroaci: LELEK – Andromeda
- Mbretëria e Bashkuar: LOOK MUM NO COMPUTER – Eins, Zwei, Drei
- Francë: Monroe – Regarde !
- Moldavi: Satoshi – Viva, Moldova!
- Finlandë: Linda Lampenius x Pete Parkkonen – Liekinheitin
- Poloni: ALICJA – Pray
- Lituani: Lion Ceçah – Sólo Quiero Más
- Suedi: FELICIA – My System
- Qipro: Antigoni – JALLA
- Itali: Sal Da Vinci – Per Sempre Sì
- Norvegji: JONAS LOVV – YA YA YA
- Rumani: Alexandra Căpitănescu – Choke Me
- Austri: COSMÓ – Tanzschei /atsh/