Kërcënimi ndaj Iranit, Trump: NATO është “zhgënjyese”, askush nuk kuptoi që ishte presion

Presidenti i SHBA-së, Donald Trump, ka lëshuar kritika të reja kundër NATO-s duke e përshkruar aleancën atlantike si “zhgënjyese”.

“Asnjë nga këta njerëz, përfshirë edhe NATO-n tonë, shumë zhgënjyese, nuk kuptoi asgjë nëse nuk u ushtrohej presion mbi ta”, shkroi ai në një postim të ri.

Nga ana e tij, sekretari i Përgjithshëm i NATO-s, Mark Rutte, ka informuar disa kryeqytete se Presidenti i SHBA-së, Donald Trump, dëshiron angazhime konkrete në ditët në vijim për të ndihmuar në sigurimin e Ngushticës së Hormuzit.

Më herët, Mark Rutte deklaroi se gjatë takimit të tij me Donald Trump, ai pati një “diskutim të sinqertë dhe të hapur”, gjatë të cilit presidenti amerikan shprehu pakënaqësinë e tij me qëndrimin e aleatëve.

Megjithatë, Rutte nxitoi të theksonte se shumica e vendeve evropiane ofruan mbështetje të konsiderueshme për Shtetet e Bashkuara.

Në një intervistë me CNN pas takimit, ai i theksoi Trump se “shumica dërrmuese e kombeve evropiane kanë qenë të dobishme”, duke kontribuar në fusha kritike si dhënia e bazave ushtarake, mbështetje logjistike, fluturimet mbitokësore dhe respektimin e angazhimeve të Aleancës. /rtsh/