Sulmet nga Irani-Emiratet e Bashkuara Arabe mbyllin spitalin e lidhur me Teheranin

Emiratet e Bashkuara Arabe (UAE) kanë urdhëruar mbylljen e një spitali të lidhur me shtetin iranian në Dubai.

Sipas burimeve të cituara nga AFP dhe raportimeve të tjera ndërkombëtare, spitali Iranian në Dubai, i cili është një nga objektet më të vjetra shëndetësore në vend (i hapur në 1972 nën Shahun e Iranit) dhe menaxhohet nga Shoqata e Gjysmëhënës së Kuqe Iraniane, ka mbyllur aktivitetetin.

Më shumë se 700 punonjës janë prekur. Ata kanë konfirmuar se qeveria UAE u ka kërkuar të largohen, duke lidhur vendimin me sulmet ajrore të Iranit kundër Emirateve.

Një zyrtar i Emiratet e Bashkuara Arabe ka thënë se institucionet e lidhura drejtpërdrejt me regjimin iranian dhe IRGC (Gardën Revolucionare) do të mbyllen si masa të synuara administrative, pasi janë gjetur të shkelin ligjet e vendit.

Masat synojnë të sigurojnë vazhdimësinë e shërbimeve esenciale.

Kjo vjen në mes të përkeqësimit të marrëdhënieve mes dy fqinjëve, pas sulmeve masive të Iranit me raketa dhe dronë kundër shteteve të Gjirit (përfshirë më shumë se 2,000 sulme vetëm ndaj UAE-së që nga 28 shkurti 2026).

Sulmet iraniane filluan si hakmarrje pas goditjeve të koordinuara nga SHBA dhe Izraeli ndaj Iranit më 28 shkurt 2026, të cilat përfshinin vrasjen e Udhëheqësit Suprem Ali Khamenei dhe synonin programin bërthamor e raketor të Iranit.

Si rezultat, Emiratet e Bashkuara Arabe kanë tërhequr ambasadorin e tyre nga Irani, kanë mbyllur misionin diplomatik dhe kanë mbyllur edhe institucione të tjera iraniane si shkolla (rreth 5 të tilla) dhe Klubi Iranian në Dubai. /rtsh/