Zyrtare: Neymar dhe Al-Hilal ndajnë rrugët

Ylli brazilian Neymar ka përfunduar kontratën me klubin arab Al-Hilal me marrëveshje dypalësh.

32-vjeçari iu bashkua Al-Hilal në gusht të vitit 2023 për çmimin 90 milionë euro.

Megjithatë, Neymar ka luajtur vetëm shtatë ndeshje për shkak të lëndimeve, pavarësisht se është futbollisti më i shtrenjtë në botë pas transferimit të tij në Paris Saint-Germain në vitin 2017.

Neymar është lidhur me rikthimin në ish-klubin e tij, Santos.

“Klubi shpreh falënderimet dhe mirënjohjen për gjithçka që Neymar ka dhënë gjatë karrierës së tij te Al-Hilal dhe i uron suksese në karrierën e tij”, thuhet në njoftimin e Al-Hilal.