Zyrtare: Eljif Elmas rikthehet në Itali, firmos për Torinon

Torino ka nënshkruar me mesfushorin e RB Leipzig, Eljif Elmas.

Reprezentuesi shqiptar i Maqedonisë së Veriut i bashkohet skuadrës italiane në formë huazimi deri në fund të sezonit, me një opsion blerjeje të përfshirë në marrëveshje.

Elmas rikthehet në Serie A pas një viti, pasi ishte larguar nga Napoli për t’u transferuar te Leipzig.

Klubi italian përmes një njoftimi, ka konfirmuar transferimin e Elmas.

“Torino Football Club ka kënaqësinë të njoftojë se ka siguruar nga RasenBallsport Leipzig, në formë të përkohshme me opsion blerjeje, të drejtat për shërbimet sportive të futbollistit Eljif Elmas”, thuhet në njoftimin e Torinos.

Elmas me Leipzig ka kontratë deri në vitin 2028.