Vojvoda regjistron 100 paraqitje me Torinon, klubi i bën dhuratë të veçantë

Mergim Vojvoda ka regjistruar plot 100 paraqitje me fanellën e skuadrës italiane, Torino.

Klubi italian për këtë të arritur, i ka bërë një dhuratë futbollistit të Kosovës, duke i dhuruar një fanellë me mbiemrin e tij dhe numrin 100.

“100 paraqitjet në fanellën e Torinos për Vojvoda. Bravo Mergim” – ka shkruar Torino në mbishkrimin e fotografive në faqen zyrtare.

Këtë edicion, Vojvoda është paraqitur në 11 ndeshje me Torinon.

28-vjeçari është pjesë e Torinos nga shtatori i vitit 2020 kur u transferuar për 5.2 milionë euro nga Standard Liege.