Vetaksident në Llozicë të Malishevës, vdes një person

Një person ka vdekur si pasojë e një aksidenti sot në fshatin Llozicë të Malishevës.

Rastin e ka konfirmuar “Reporterin”, zëdhënësi i policisë për rajonin e Gjakovës, Sheremet Elezaj.

Ai bëri të ditur se dyshohet se shoferi ka humbur kontrollin dhe është vetaksidentuar.

“Rreth orës 12:55 jemi njoftuar për aksident trafiku në fshatin Llazicë, Malishevë, në rrugën Prishtinë-Pejë. Policia ka dalë në vendin e ngjarjes ku dyshohet se drejtuesi i një automjeti ka humbur kontrollin dhe është vet-aksidentuar. Si pasojë, ngasësi, një mashkull i moshës madhore, ka humbur jetën, ndërsa vdekja e tij është konstatuar nga ekipi mjekësor”, ka thënë Elezaj.