Van Persie “kërcënon” Interin: Jemi gati

Në shtëpinë e Feyenoord gjithçka është gati për ndeshjen kundër Interit të vlefshme për fazën e 16-shes të Ligës së Kampionëve.

“Java ime e parë si trajner i Feyenoord, ishte një javë shumë pozitive dhe kam ndjesi të shkëlqyera – deklaroi Robin Van Persie në javën e tij të parë si trajner në Champions League -. Fillon një periudhë intensive, kemi shumë ndeshje, lojtarët po japin gjithçka dhe po tregojnë se janë gati për këto sfida”.

“Interi është një ekip shumë i fortë, ka pësuar vetëm një gol në Ligën e Kampioneve. Kanë një mënyrë shumë efektive për t’u mbrojtur, por janë të mirë edhe në sulm, shfrytëzojnë mirë hapësirat dhe këto janë pikat e forta ku do të mbështeten. Për ne është e rëndësishme të luajmë dhe të mbrohemi mirë, do të kemi tifozët pas nesh dhe ata do të jenë njeriu ynë i 12-të”.

“Mezi pres, do të jetë hera ime e parë në Ligën e Kampioneve si trajner. Lojtarët janë në formë të mirë, jemi gati”.