
Van Nistelrooy mbron Haaland-in pas kritikave për formën e tij
Trajneri i Leicester City-t, Ruud van Nistelrooy, ka dalë në mbrojtje të sulmuesit të Manchester City-t, Erling Haaland, pas kritikave për formën e tij jo të mirë këtë sezon të garave.
Van Nistelrooy pak para ndeshjes mes Leicester City-t dhe City-t tha se sulmuesi norvegjez është i miri në ligën angleze.
“Sa gola ka shënuar deri tani këtë sezon? E dini për çfarë po flas? 30 gola, ai është sulmuesi më i mirë në ligë”, tha Van Nistelrooy për mediet britanike.
“Ai e ka dëshmuar veten. Ka fituar gjithçka të mundshme. Është një lojtar i klasit botëror, më i miri nga më të mirët. Ka një mentalitet të jashtëzakonshëm, cilësi të larta dhe do të vazhdojë kështu edhe për shumë vite”.
“Ai ka nënshkruar një kontratë shumë afatgjatë dhe është lojtari rreth të cilit po ndërtohet skuadra e City-t. Kur ke një lojtar si ai në ekip dhe keni një garanci për 30 gola në sezon – dhe ky mund të quhet sezon i dobët? Imagjinoni kur të gjejë formën e tij më të mirë, ai do të shënojë 60 apo 70! Ai është një shtyllë kyçe e ekipit të tanishëm të City-t dhe e së ardhmes së tij, ndaj nuk kam asgjë veçse lëvdata për të”, ka theksuar van Nistelrooy.