Valverde: Williams do të jetë vendimtar kundër Viktoria Plzen

Trajneri i Athletic Bilbao, Ernesto Valverde, mendon se Nico Williams do të jetë vendimtar në ndeshjen e sotme kundër Viktoria Plzen.

Athletic synon fitoren për të mbyllur fazën e grupeve të Europa League mes tetë skuadrave më të mira.

“Gjëja më e rëndësishme është të përfundosh në mesin e tetë skuadrave më të mira. Pastaj, sa i përket shortit, tashmë është përcaktuar se si mund të jetë. Nuk e di si do të përfundojnë rivalët tonë pas këtyre ndeshjeve, nuk ka asnjë garanci”, ka thënë Valverde.

“Për lojtarë si Willimas, të cilët kanë aftësi një kundër një, është thelbësore të përballen me kundërshtarët. Një mbrojtës gjithmonë dëshiron të vrapojë përpara për të kufizuar gabimin e mundshëm. Mbrojtja është më e lehtë se sulmi dhe të mbrosh një situatë një kundër një, megjithëse e vështirë, është më e thjeshtë se të kalosh një kundërshtar në një driblim. Ka shumë pak lojtarë që mund të kalojnë një kundërshtar. Ata janë të përzgjedhur”.

“Është e vështirë të gjesh lojtarë si Nico.  Ai është një garanci për ne”, ka pohuar ai.