Valdano: Reali humbi qartë ndaj Barçës dhe këtë herë pa pozicion jashtë loje…

Finalja e Superkupës e humbur 5-2 ndaj Barcelonës vuri në pah të gjitha defektet e një skuadre që fitoi Champions League, La Liga dhe Superkupë sezonin e kaluar.

Një “goditje” e bujshme, si në El Clasico-n e kampionatit (0-4 në Bernabeu), që tashmë e bën të gjithë Real Madridin të reflektojë.

Jorge Valdano, legjenda e Los Blancos, nënvizoi për MovistarTV ngjashmëritë dhe dallimet mes dy ndeshjeve: “Një ndryshim kaq i madh mes dy fitoreve të Barçës kundër Real Madridit është i pabesueshëm. Në kampionat vendimtare ishin pozicionet jashtë loje, 12 të tillë. Jo këtë herë, por distanca në rezultate ishte e ngjashme dje. Dy humbje shumë të qarta”.