Ukraina përdor për herë të parë në Rusi raketat britanike ‘Storm shadow’

Pasi SHBA lejoi Ukrainën të përdorë raketat e saj me rreze të gjatë veprimi brenda Rusisë, gjë që edhe e bëri më pas, Kievi përdori sot për herë të parë edhe raketat Britanike “Storm Shadow” ndaj objektivave në Rusi.

Ukraina ka përdorur për herë të parë raketa Britanike Storm Shadow me rreze të gjatë veprimi kundër objektivave brenda Rusisë, bën të ditur BBC sipas burimeve të saj.

Qeveria e Mbretërisë së Bashkuar nuk ka komentuar raportet, por sekretari i mbrojtjes ka thënë se “veprimet e Ukrainës në fushën e betejës flasin vetë”.

Lajmi vjen pasi raketat taktike amerikane me rreze më të gjatë veprimi (Atacms) goditen me objektiva gjithashtu brenda Rusisë.

Zëdhënësi i Departamentit Amerikan të SHBA, Matthew Miller, ka deklaruar se nuk dëshiron të flasë publikisht për përdorimin ukrainas të raketave Storm Shadow – por shton se Amerika “konsultohet me qeverinë ukrainase, ushtrinë ukrainase, për një gamë të gjerë taktikash”.

Zyrtarët e mbrojtjes në Mbretërinë e Bashkuar kishin kërkuar miratimin e SHBA që Kievi të përdorte raketat Storm Shadow të ofruara nga Britania për të goditur objektivat ushtarake brenda Rusisë.

Ndërkohë, presidenti i SHBA-së Joe Biden miratoi më herët edhe një donacion të minave tokësore për Ukrainën duke rritur kështu ndihmën për të ngadalësuar përparimet e Rusisë në front.

Kremlini ende nuk ka reaguar ndaj zhvillimit që Ukraina ka përdorur raketa me rreze të gjatë veprimi të furnizuara nga Britania e Madhe kundër objektivave brenda territorit rus.

Por para këtij zhvillimi zëdhënësi i Kremlinit Dmitry Peskov, akuzoi vendet perëndimore që mbështesin po përdorimin e Ukrainën “si një mjet” për të zhvilluar luftë, dhe për t’i shkaktuar një humbje strategjike Rusisë. /rtk/