Triumfojnë Peja dhe Bashkimi, sigurojnë gjysmëfinalet e ‘Play-off-it’

Bashkimi shënoi fitore shumë të rëndësishme ndaj Sigal Prishtinës në kryeqytet me rezultat 80:88 (17:16, 29:24, 17:29, 17:19), për të siguruar njëkohësisht kualifikimin në gjysmëfinale të “Play-off”-it.

Fillimi i ndeshjes ishte i baraspeshuar, derisa epërsia më e lartë e vendasve ishte 17:11, ndërsa mysafirët me pikë radhazi ngushtuan shifrat në 17:16, sa përfundoi çereku i parë. Edhe periudha e dytë ishte kryesisht e baraspeshuar, por kësaj radhe, vendasit në fund të kësaj pjese shënuan tetë pikë radhazi për të shkuar në pushim me rezultat 46:40.

Portokallezinjtë nuk u dorëzuan dhe u rikthyen fuqishëm në periodën e tretë, ku ishin shumë më të mirë, ndërsa rezultati pas 30 minutash ishte 63:69. Dhjetë minutat e fundit ishin interesante, megjithatë, më të mirë ishin prizrenasit që triumfuan 80:88.

Rashid Mahalbashiq kishte 18 pikë e katër kërcime për vendasit, ndërsa te mysafirët Wendell Green kishte 27 pikë, Mack Smith 19 pikë e gjashtë kërcime dhe Erik Copes 17 pikë e tetë kërcime.

Pas 27 xhirosh, Sigal Prishtina ka 16 fitore e 11 humbje, ndërsa Bashkimi 19 fitore e tetë humbje.

Kampionët fitojnë në “Karagaçi”, sigurojnë gjysmëfinalen

Ndërkohë, Trepça ka triumfuar në derbin e javës së 27-të të Superligës së Kosovës në basketboll ndaj Pejës me shifrat 73:78 (18:25, 21:18, 17:17, 17:18).

Kjo fitore ishte shumë e vlefshme për kampionët, që kanë siguruar kualifikimin në gjysmëfinale të “Play-off”-it.

Çereku i parë ishte interesant, me vendasit që e nisën me një seri prej 8:2, derisa përgjigja e mysafirëve nuk vonoi duke u rikthyer shpejt për të fituar këtë pjesë me rezultat 18:25. ‘Xehetarët’ ngritën epërsinë në 12 pikë në periudhën e dytë, 22:34, por me një seri prej 9:0, verdhezinjtë ngushtuan shifrat në 31:34, ndërsa pjesa e parë përfundoi 39:43.

Vendasit vazhduan me lojë të mirë për të kaluar sërish në epërsi 49:47, e më pas u zhvillua lojë me shumë rikthime, kurse shifrat pas 30 minutash ishin 56:60. Kjo bëri që fituesi të vendosej në dhjetë minutat e fundit, ku kampionët ruajtën epërsinë dhe fituan 73:78.

Më i miri te vendasit ishte Darryl Morsell me 15 pikë, derisa te mysafirët më i miri ishte Tekele Cotton me 24 pikë.

Pas 27 ndeshjeve, Peja ka 14 fitore e 13 humbje, ndërsa Trepça 18 fitore e nëntë humbje.