Trajneri i Zhegrovës afër Milanit

Zhvillime interesante në taborin e AC Milan.

Drejtuesit e skuadrës ‘Rossonere’ tashmë janë hedhur në sulm për të gjetur zëvendësuesin e Stefano Piolit, i cili në fund të këtij sezoni do të largohet nga ‘San Siro’.

Sipas mediave italiane, trajneri i Lillës, Paulo Fonseca është njeriu i mundshëm për të marrë drejtimin e Milanit.

Trajneri që do të garojë nesër me Lille për kualifikimin në Ligën e Kampionëve, skuadër në të cilën luan edhe ylli kosovar Edon Zhegrova, thuhet se ka pasur një tjetër kontakt telefonik ditën e djeshme me Milanin, duke konfirmuar interesin e ndërsjellë të palëve.

Fonseca e njeh mirë Serie A pasi në të kaluarën ka drejtuar Romën.

Krerët e Milanit mësohet se do të vazhdojnë negociatat me Fonseca të cilin milanistët e duan në krye të bankinës së skuadrës së tyre.

Madje, siç raportohet, Fonseca është preferenca e gjithë krerëve të Milanit përfshirë edhe Zlatan Ibrahimoviqin.