Trajneri i Sivasspor për Manaj: Lojtar i rëndësishëm, normal që do ketë interesim nga shumë skuadra

Edhe pse rinovoi kontratën me Sivasspor, interesimi për Rey Manaj nga disa skuadra nuk ka munguar. Për këtë temë ka folur së fundmi, tekniku i ekipit turk, Omer Erdogan.

“Padyshim do të ketë oferta për futbollistët tanë. Është natyrale për lojtarë të rëndësishëm si Manaj, ai e tregoi dhe një herë cilësinë që ka në ndeshjen e fundit. Sicc e kam thënë, këto zëra do të vazhdojnë gjatë periudhës së transferimeve. Padyshim që do ta lidhin me skuadra të tjera në media emrin e tij.

Por nuk ka pasur deri tani asnjë ofertë që kënaq klubin tonë deri tani. gjithsesi, nga tani e në fund të merkatos do të jetë e vështirë, pasi nuk dua të humbas lojtarë të rëndësishëm, sidomos ata që i kam planifikuar për pjesën e dytë të sezonit. Ideja jonë aktuale është që Rei Manaj të vazhdojë me ne”,- tha tekniku.