Tovërlani i reagon ministrit: Ky erifi e shpalosi dje flamurin midis Beligradit

Trajneri i njohur kosovar, Afrim Tovërlani përmes një komenti ka reaguar në lajmin e Futbolli.info rreth deklaratës së ministrit të sportit, Hajrulla Çeku, i cili ka thënë se largimi i simboleve është sulm i drejtpërdrejt në integritetin e Kosovës.

“A bre minister, para disa dite ste lan as me shku ne Lugine! Ky erifi e shpalosi dje midis Beligradit e tash ndash ta kallin ndash ta shkelin ska mo rendesi! Ky e shkeli Serbine me flamur e ju folni qka doni”, ka shkruar Tovërlani, duke aluduar në kreun e FFK-së, Agim Ademi, i cili një natë më parë u pa në një video duke shpalosur flamurin e Kosovës në sallën ‘Sava Center’ në Beograd ku u mbajt Kongresi i UEFA-s.