“Tjetër herë sigurohu që dera të qëndrojë e mbyllur”, Trump këshillon Macronin pas incidentit me gruan

Presidenti i Shteteve të Bashkuara të Amerikës, Donald Trump, i ka dhënë disa këshilla për Presidentin e Francës, Emmanuel Macron, pas videos virale ku gruaja e Macron-it duket sikur e shtyn, gjersa dera e avionit ishte e hapur.

Trump i ka sugjeruar që tjera herë të sigurohet që dera të jetë e mbyllur. Trump e minimizoi incidentin kur u pyet për të më 30 maj gjatë një aktiviteti në Zyrën Ovale, shkran USA Today, përcjell Reporteri.net.

“Sigurohu që dera të qëndrojë e mbyllur.”

“Edhe ai është mirë. Janë mirë,” tha Trump. “Janë dy njerëz vërtet të mirë, i njoh shumë mirë.”

Ndryshe, Emmanuel Macron dhe gruaja e tij Brigitte ishin në një vizitë zyrtare në Vietnam. Në momentin kur dyert e aeroplanit po hapeshin, kamerat regjistruan një debat mes çiftit Macron. Në një moment, një dorë e shtyn fytyrën e Macronit larg.