Tërmeti në Kolumbi, mbi 2,700 persona të zhdukur

Mbi 2,700 persona janë raportuar të zhdukur pas tërmetit me magnitudë 7.4 që goditi Kolumbinë të hënën.

Ekipet e shpëtimit po vazhdojnë kërkimet nën rrënoja, ndërsa familjarët e personave të zhdukur po publikojnë të dhëna për të afërmit e tyre në platforma lokale të ngritura nga qytetarët.

Sipas të dhënave të fundit, nga tërmeti kanë humbur jetën 169 persona, ndërsa rreth 800 të tjerë janë lënduar.

Cali, një nga qytetet më të prekura nga tërmeti, është përballur me presion të madh mbi sistemin shëndetësor. Spitalet e qytetit kanë shpallur alarm të kuq, pasi kanë arritur në 100 për qind të kapacitetit.

Në mesin e operacioneve të shpëtimit, ekipet kanë arritur të nxjerrin të gjallë nga rrënojat një nënë dhe foshnjën e saj, të cilët kishin mbetur të bllokuar në një ndërtesë të shembur.

Ndërkohë, aeroporti ndërkombëtar i Calit ka rifilluar operimet normale, pasi ndërprerjet e energjisë elektrike të shkaktuara nga tërmeti janë tejkaluar, raporton rtk.

Operacionet e kërkim-shpëtimit vazhdojnë, ndërsa autoritetet paralajmërojnë se bilanci i viktimave dhe personave të zhdukur mund të ndryshojë.