Ten Hag: Fantastike të jesh pjesë e Ligës së Kampionëve

Manchester United sonte do të përballet me Galatasarayn në kuadër të xhiros së dytë të Grupit A në Ligën e Kampionëve.

“Djajtë e Kuq” dhe skuadra turke do të masin forcat në “Old Trafford” në një duel që pritet të sjellë ndeshje dramatike.

Menaxheri i Man Unitedit, Erik ten Hag thotë se ndeshjet në Ligën e Kampionëve janë të veçanta. Sipas tij, është fantastike të jesh pjesë e garës më të madhe evropiane.

“Champions League është gjithmonë e veçantë. Ju luani kundër skuadrave më të mira në Evropë, kështu që është fantastike të jesh atje. Është emocionuese”, ka thënë Ten Hag.

Ndeshja mes Man Unitedit dhe Galatasarayt fillon në orën 21:00.