Ten Hag dhe klauzola e “vetos” mbi merkaton: a do respektohet nga drejtuesit e rinj?

Erik ten Hag dëshiron të ruajë ndikimin e tij në vendimet e merkatos së Manchester United sapo të ratifikohet investimi i pakicës se aksioneve nga Sir Jim Ratcliffe në klub, ka thënë një burim për ESPN.

Një ekip i kryesuar nga Ratcliffe – kryetar dhe CEO i INEOS – është vendosur të marrë kontrollin e operacioneve të futbollit në Old Trafford kur të nënshkruhet marrëveshja e tij prej 1.3 miliardë dollarësh për të blerë 25% të aksioneve.

Sir Dave Brailsford, drejtor i sportit në INEOS, dëshiron të rinovojë mënyrën se si United rekruton lojtarë, por Ten Hag, sipas një burimi, është i prirur të sigurohet që ai të mbetet një pjesë kyçe e procesit të vendimmarrjes.

Holandezi ka mbajtur të drejtën e vetos në të gjitha transferimet që nga mbërritja si trajner në vitin 2022 dhe dëshiron të vazhdojë të ketë një fjalë të madhe se cilët lojtarë vijnë dhe shkojnë në Old Trafford.

Ka pasur pikëpyetje për politikën e transferimeve të United që nga emërimi i Ten Hag si menaxher, veçanërisht duke shpenzuar 100 milionë euro (105 milionë dollarë) për të sjellë Antony nga ish-klubi Ajax.

Megjithatë, një burim i ka thënë ESPN se vetoja është shkruar në kontratën e Ten Hag dhe ai pret që klauzola të respektohet pavarësisht një ndryshimi të personelit në krye të departamentit

të futbollit. Ten Hag është vendosur të zhvillojë takime me Ratcliffe, Brailsford dhe pjesën tjetër të ekipit të INEOS përpara ratifikimit zyrtar të marrëveshjes.