Ten Hag: Bayern Munich favorit për ta fituar Championsin

Bayern Munich aventurën e re në Ligën e Kampionëve do ta nis kundër Manchester Unitedit.

‘Bavarezët’ dhe ‘Djajtë e Kuq’ do ballafaqohen të mërkurën mbrëma në ndeshjen e parë në fazën e grupeve në ligën më të fortë në Evropë.

Strategu holandez thotë se Bayern Munich është kandidat për ta fituar Ligën e Kampionëve.

Ten Hag beson se të përzgjedhurit e tij, do të kenë paraqitje të mirë në duel me kampionët në fuqi të Gjermanisë.

“Bayern Munich është një nga favoritët për të fituar Ligën e Kampionëve, kështu që ne duhet të jemi të mirë atje. E kam thënë se kemi nevojë për karakter, besim, dhe vendosmëri”, ka thënë Ten Hag për mediet britanike, raporton RTKLive.com.

Ten Hag është i vetëdijshëm se edhe në duel me Bayern Munich do të jetë pa disa lojtarë titullar për shkak të lëndimeve.

Raphael Varane, Mason Mount, Sofyan Amrabat, Kobbie Mainoo dhe Amad munguan në humbjen e Man Unitedit ndaj Brigtonit (3-1), ndeshje kjo e zhvilluar të shtunën që lamë pas.

“Ndoshta, një nga ata lojtarë mund të jetë gati”, ka theksuar Ten Hag.

Përballja Bayern Munich-Man United luhet të mërkurën në ‘Alianz Arena’ dhe fillon në orën 21:00.