Tel Avivi sulmohet sërish me 20 raketa nga Libani

Sirenat e sulmit ajror u dëgjuan sërish sot në Tel Aviv – pas lëshimit të pesë raketave nga Libani drejt Izraelit qendror dhe 15 të tjerave të lëshuara drejt Izraelit verior dhe pjesës veriore të Lartësive të Golanit.

Ushtria izraelite, në postimet në Telegram, tha se shumica e predhave ishin kapur, por një prej tyre ishte rrëzuar në një zonë të hapur në Izraelin qendror.

Në veri “disa” raketa u interceptuan dhe disa të tjera ranë në zona të hapura.

Ushtria tha se aktualisht nuk është në dijeni të ndonjë viktime.

Pretendimet nuk mund të verifikohen në mënyrë të pavarur.