Superliga vjen sot me duelin Malisheva-Ballkani

Superliga e Kosovës në futboll, rikthehet sot me ndeshjen e parë të javës së 15-të.

Dueli mes Malishevës dhe Ballkanit, ndeshje kjo që luhet sot pasdite, hap javën e 15-të në elitën e futbollit tonë.

Sfida mes Malishevës dhe kampionëve në fuqi të Kosovës, pritet të sjellë ndeshje interesante, derisa skuadra e Ilirës Dajës llogaritët favorit të paktën në letër.

Xhiroja e 15-të do të vazhdojë të shtunën pasdite, ku ballafaqohen Fushë Kosova-Dukagjini dhe Feronikeli ’74-Liria.

E diela pasdite vjen me dy superduele, ku takohen Prishtina-Drita dhe Gjilani-Llapi, përballje këto që gjithnjë kanë sjellë duele interesante për shkak të rivalitetit mes këtyre ekipeve.

Të gjitha ndeshjet fillojnë në orën 13:00.