Superliga vazhdon sot me dy superduele

Sot (e shtunë) janë në program për t’u zhvilluar dy përballje shumë të forta në kuadër të javës së 26-të të Albi Mall Superligës së Kosovës.

Xhiro e 26-të përmbyllet sot me këto dy ndeshje, pasi të enjten është luajtur një dhe dje (e premte) janë luajtur edhe dy takime.

Ndeshja e parë e ditës së sotme është ajo në mes të dy rivalëve të mëdhenj të viteve të fundit, Llapit dhe Ballkanit, e cila do të luhet në stadiumin Zahir Pajaziti në Podujevë.

Në ndeshjen tjetër të ditës, Ferizaj është nikoqir i Dukagjinit në ndeshjen që pritet të zhvillohet në stadiumin e qytetit, raporton telegrafi.

Të dy ndeshjet është paraparë të fillojnë nga ora 14:00.