Superliga e basketbollit rikthehet sot me dy përballje interesante

Elita e basketbollit të Kosovës, rikthehet sot me dy ndeshjet e para të javës së tetë.

Përballja e parë do të jetë dueli mes Vëllaznimit dhe Pejës. Kuqezinjtë ndodhen në formë të mirë, ku kanë tri fitore radhazi, por në formë edhe më të mirë është Peja, që ka shtatë fitore në shtatë ndeshje, apo asnjë humbje në elitë, njëherësh edhe skuadra e vetme pa humbje në këtë edicion të Superligës.

Takim po ashtu interesant do të zhvillohet sonte, ku Bashkimi ndeshet me Golden Eagle Yllin. Tashmë të dy skuadrat kanë nga tri fitore e katër humbje dhe do të kërkojnë fitoren e katërt për këtë edicion.

Ndërkaq, dy ndeshjet tjera të kësaj xhiro, do të luhen të nesër, ku do të përballen Trepça-Istogu dhe Proton Cable Prizreni-Sigal Prishtina.

“Minatorët”  pas humbjes nga Golden Eagle Ylli do të ndeshet me Istogun, që numëron një fitore e gjashtë humbje, kurse mitrovicasit janë në vendin e dytë me pesë fitore e dy humbje.

Java e tetë do të mbyllet me ndeshjen mes Proton Cable Prizrenit dhe Sigal Prishtinës, sfidë që do të zhvillohet në kryeqytet. Prizrenasit kanë dy fitore e pesë humbje, kurse prishtinasit kanë katër fitore e tri humbje.

Superliga/Java e Tetë

Të shtunën takohen:

17:00 Vëllaznimi-Peja

19:00 Bashkimi-Golden Eagle Ylli

Të dielën takohen:

17:00 Trepça-Istogu

19:00 Proton Cable Prizreni-Sigal Prishtina