Superliga e basketbollit / Fitojnë Ylli dhe Bora

Golden Eagle Ylli po vazhdon në formë të lartë para garave shtesë, ku regjistroi fitoren e pestë radhazi dhe shumë të rëndësishme ndaj Vëllaznimit me rezultat 86:63 (24:11, 28:22, 11:11, 23:19), në javën e 27-të të Superligës së Kosovës në basketboll.

Pas një fillimi të baraspeshuar, vendasit filluan shkëputjen, duke e fituar çerekun e parë me 13 pikë epërsi, 24:11. Me lojë të mirë vazhduan edhe në periudhën e dytë, që ishte paksa më e balancuar, duke përfunduar 28:22, derisa skuadrat shkuan në pushim me rezultat 52:33.

Pjesa e dytë ishte më e barabartë, por me vendasit që ruajtën epërsinë dhe triumfuan në fund 86:63.

Më i miri te vendasit ishte Jalen Nesbitt me 19 pikë, 11 kërcime e shtatë kërcime, kurse te mysafirët më i miri ishte Antëan Ëalker me 21 pikë.

Pas 27 ndeshjeve, Golden Eagle Ylli ka 14 fitore e 13 humbje, kurse Vëllaznimi 13 fitore e 14 humbje.

Bora mund Prizrenin

Ndërkohë, Bora ka shënuar fitore ndaj Proton Cable Prizrenit me rezultat 102:87 (26:22, 21:24, 29:23, 26:18).

Pjesa e parë e ndeshjes ishte e baraspeshuar, duke përfunduar 47:46, me vetëm një pikë epërsi për prishtinasit. Pjesa e dytë ishte vendimtare, ku Bora ishte më e mirë, për të fituar në fund 102:87.

Adem Mekiq ishte më i miri te vendasit me 29 pikë, tetë kërcime e tetë asistime, ndërsa te mysafirët gjashtë basketbollistë shënuan pikë dyshifrore, derisa Darryl Jordan e mbylli ndeshjen me 14 pikë e nëntë kërcime.

Pas 27 ndeshjeve në elitë, Bora ka nëntë fitore e 18 humbje, kurse Proton Cable Prizreni pesë fitore e 22 humbje.