Superliga e basketbollit/Fitojnë Trepça dhe Ylli

Trepça dhe Golden Eagle Ylli kanë shënuar fitore në kuadër të Javës së njëzet e gjashtë të ProCredit Superligës së Kosovës në basketboll.

Në “Minatori”, Trepça ka triumfuar ndaj Proton Cable Prizrenit me rezultat bindës 103:75 (20:21, 30:18, 24:20, 29:16).

Mitrovicasit kanë dominuar pas çerekut të parë dhe kanë arritur një fitore të thellë në shtëpi. Michael Green ka qenë lojtari më i dalluar për Trepçën me shtatëmbëdhjetë pikë, gjashtë kërcime dhe katër asistime, ndërsa Mikaile Tmušić ka kontribuar me pesëmbëdhjetë pikë, katër kërcime dhe gjashtë asistime.

Nga ana tjetër, për mysafirët më i miri ka qenë Tervell Beck me gjashtëmbëdhjetë pikë dhe gjashtë kërcime.

Në një ndeshje dramatike të zhvilluar në “Sezai Surroi”, Golden Eagle Ylli ka arritur një fitore të madhe ndaj Bashkimit me rezultat 78:84 (25:24, 23:25, 13:18, 17:17).

Ndeshja ka qenë e barabartë deri në fund, por therandasit janë treguar më të saktë në momentet vendimtare.

Erik Copes ka spikatur për Bashkimin me njëzet e një pikë dhe dymbëdhjetë kërcime, ndërsa për Golden Eagle Yllin është dalluar Lis Shoshi me shtatëmbëdhjetë pikë, njëmbëdhjetë kërcime dhe katër asistime, si dhe William Tavares me njëzet e një pikë, gjashtë kërcime dhe një asistim.

Tabela kryesohet nga Bashkimi, ndërsa në vendin e fundit gjendet Proton Cable Prizreni.