Superkupa: Milani përmbys Juven, një derbi me Interin në finale

Milani do të përballet me Interin në finalen e Superkupës së Italisë, të planifikuar për 6 janar.

Kuqezinjtë erdhën nga disavantazhi për të mposhtur Juventusin 2-1, duke fituar mundësinë për të luajtur për trofeun në derbi.

Sfida e Riadit u zhbllokua nga një perlë e Yildiz në minutën e 21-të, por skuadra e Motta-s e humbi mundësinë disa herë për të dyfishuar epërsinë dhe në minutën e 71-të u kap sërish nga një penallti e fituar dhe e kthyer në gol nga Pulisic.

Në minutën e 76-të përmbysja u plotësua nga autogoli i bujshëm i Gattit pas një krosimi të Musah. Conceiçao debuton kështu me një fitore prestigjioze, ndërsa trajneri italo-brazilian pëson humbjen e dytë sezonale pas asaj ndaj Shtutgartit në Champions League: objektivi i parë i vitit dështoi.