Start i furishëm në Paris 2024, Donjeta Sadiku mposht tajlandezen Thananya Somnuek
Boksierja kosovare Donjeta Sadiku ka fituar kundër boksieres nga Tajlanda, Thananya Somnuek në meçin e zhvilluar të shtunën në Lojërat Olimpike Paris 2024.
Meçi ishte në kategorinë deri në gjashtëdhjetë kilogramë.
Triumfi ka qenë pas numrimit të pikëve. Ishte raundi i tretë ai që e bëri dallimin.
Ngadhënjimi i sotëm i hapë rrugën Sadikut për t’u ndeshur me kundërshtare të tjera.