Spanjollët e “AS” largojnë Silvinjon nga Shqipëria

E përditshmja spanjolle “AS” analizon të ardhmen e trajnerit të kombëtares shqiptare. Falë paraqitjeve të mira në krye të Shqipërisë, braziliani ka përfunduar në shënjestrën e shumë klubeve. AS thekson se Silvinjo nuk e ka rinovuar kontratën me Shqipërinë.

Europiani i jashtëzakonshëm që Shqipëria ka luajtur, e aftë për t’u bërë ballë tre fuqive me të cilat është përballur, madje duke barazuar me Kroacinë, ka bërë në modë disa futbollistë të skuadrës ballkanike, por edhe trajnerin e saj, Sylvinho. Braziliani do të vazhdonte në parim deri në Botërorin e ardhshëm 2026, por realiteti është se në fund të qershorit ende nuk është nënshkruar një kontratë e re dhe se pasi pa punën e tij të dukshme me kuqezinjët, Sylvinho ka ngjallur interes nga disa klubet evropiane.

Presidenti i Federatës Shqiptare, Armand Duka, siguroi pak ditë më parë se nuk do të ketë probleme për vazhdimin e kontratës së trajnerit ende edhe për dy vite. Dhe vetë Sylvinho ka dashur të qetësojë disi fansat pas uljes në Tiranë këtë të martë: “Unë jam pjesë e projektit. “Jam shumë i kënaqur me këtë vit e gjysmë që kam punuar”.

Por duket qartë se në javët në vijim do të vijojnë ofertat për një trajner që ashtu si ekipi i tij ka dalë plotësisht në vitrinë gjatë këtij Euro.