Spanja e Portugalia nuk gabojnë

Spanja dhe Portugalia nuk kanë zhgënjyer të shtunën në Nations League.

Derisa Spanja ka arritur të fitojë me rezultat minimal 1-0 ndaj Danimarkës në ndeshjen e Grupit 4 të Ligës A , Portugalia ka fituar me rezultat 3-1 ndaj Polonisë në ndeshjen e Grupit 1 të Ligës A.

Në Murcia pjesa e parë ka kaluar pa gola, megjithëse të dy skuadrat kanë pasur disa mundësi.

Fatin e ndeshjes e ka vendosur një goditje e fortë e Zubimendit në minutën e shtatëdhjetë e nëntë, duke e mposhtur portierin danez për t’i dhënë fitoren “Furisë së Kuqe”.

Ndërkohë, në Varshavë, Portugalia ka marrë fitore më të thellë.

Ka qenë Silva ai që e ka hapur serinë e golave në minutën e njëzet e gjashtë, ndërsa Cristiano Ronaldo e ka shtuar një tjetër në minutën e tridhjetë e shtatë. Një autogol nga Bednarek e ka rritur edhe më shumë avantazhin portugez dhe e ka vulosur fitoren.

Polonia ia ka arritur ta shënojë golin e nderit me Zielinskin në minutën e shtatëdhjetë e tetë.