Southgate nuk mendon për të ardhmen: Jam i fokusuar te Evropiani

Gareth Southgate nuk flet për të ardhmen e tij. Ose më mirë është fokusuar vetëm te Kampionati Evropian.

Trajneri i kombëtares angleze llogaritet ndër kandidatët për të drejtuar Manchester United sezonin e ardhshëm, por mendimet e tij nuk shkojnë përtej qershorit, kur do të nisë gara ndërkombëtare në Gjermani.

Gjatë një interviste për ITV News, trajneri ka dashur të sqarojë pozicionin e tij, padyshim duke folur edhe për sfidat që e presin Anglinë.

“Mund të thuhen shumë gjëra, por unë nuk kam pasur asnjë takim, asnjë bisedë. Kam një gjë për t’u fokusuar: të kem Kampionatin Evropian sa më të suksesshëm me Anglinë. Çdo gjë jashtë kësaj është krejtësisht e parëndësishme për mua. Nëse filloj të flas për këtë, atëherë tashmë jam i hutuar nga ajo që po bëj. Kështu që unë mendoj se vendi do të priste që fokusi im të ishte vetëm te Anglia dhe, me të drejtë, kjo është”.

“Kemi luajtur tre turne – komentoi trajneri i Tre Luanëve – në të cilat e çuam publikun në një rrugëtim të shkëlqyer. Ne e dimë këtë dhe e di që ka një dëshirë për ta bërë një hap më tej dhe kjo është një mundësi e shkëlqyer për ne për ta bërë këtë”.