Sot mblidhet Kuvendi i Kosovës në përpjekjen e 24-t për konstituim

Kuvendi i Kosovës sot do të mblidhet për herën e 24-t, në përpjekje për konstituimin e këtij institucioni. Kjo seancë do të mbahet nga ora 10:30.

Nryshe Kuvendi i Republikës së Kosovës, të enjten vijoi punimet e seancës konstituive të Legjislaturës së Nëntë, nën drejtimin e kryesuesit Avni Dehari.

Kryesuesi Dehari ftoi edhe njëherë subjektet politike parlamentare që nuk i kanë propozuar deputetët për anëtarë të komisionit zgjedhor për zgjedhjen e kryetarit të Kuvendit, me votim të fshehtë, që ta bëjnë këtë.

Serish nuk pati propozime për anëtarë të këtij komisioni. Për përbërjen e komisionit, me anëtarët e propozuar në vazhdimet e kaluara të seancës, votuan 55 deputetë, një votoi kundër, ndërsa abstenime nuk pati, raporton rtk.