Sot hapet ekspozita “Mbijetesa e sportit të Kosovës 1991-1999”

Sot në orën 18:00 hapet ekspozita “Mbijetesa e sportit të Kosovës 1991-1999”, ekspozitë kjo që vjen nga gazetari i njohur i sportit Gani Kosumi.

Ekspozita mbahet në ambientet e Atelesë përballë Sallës së Kuqe në Pallatin e Rinisë në Prishtinë.

Në hapjen solemne pritet të marrin pjesë përfaqësues nga MKRS, KOK-u, nga Komuna e Prishtinës, drejtues të federatave sportive, sportistët dhe të tjerët.

Më 31 tetor e 1 nëntor, ekspozita do të jetë e hapur nga ora 10:00-20:00.

Kjo ekspozitë është mbështetur nga Ministria e Kulturës, Rinisë e Sportit, FFK si dhe nga Pallati i Rinisë.