SOS Fshatrat e fëmijëve: Jemi krenar dhe falënderues që FFK është pjesë e rrugëtimit tonë

Federata e Futbollit të Kosovës, krahas punës që bën në zhvillimin e futbollit tonë, jo rrallë herë ka dhënë kontribut të madh edhe në sferat tjera të Kosovës, raporton Rekordi.net.

SOS Fshatrat e fëmijëve, ka falënderuar shtëpinë e futbollit kosovar për përkrahjen që i jep në vazhdimësi kësaj shoqate.

“Ëndrrat e Trimit, si dhe ëndrrat e 29 fëmijëve të tjerë pa përkujdesje prindërore dhe mbi 600 tjerë në rrezik të humbjes së kujdesit prindëror mund të realizohen falë bashkëudhëtarëve tanë si FFK, për të cilët jemi jashtëzakonisht krenar dhe falënderues që i kemi pjesë e rrugëtimit tonë”, thuhet në njoftimin e SOS Fshatrat e Fëmijëve.