S’ndalet Liverpooli, mposht edhe Aston Villan, shikojeni tabelën e Premier Leagues

Liverpooli ka triumfuar 2-0 përballë Aston Villas në duelin e zhvilluar në kuadër të javës së 11-të në Ligën Premier.

Pas 20 minutash lojë, Darwin Nunez kaloi The Reds në epërsi me një ndihmesë të vogël nga Mohamed Salah.

Sulmuesi uruguaian mund të kishte realizuar sonte het-trik, por që vetëm në pjesë të parë humbi dy raste të arta shënimi.

Liverpooli e dominoi të gjithë takimin, por që edhe Aston Villa kishte raste kur i afrohej golit të barazimit, mirëpo u mungoi konkretizimi.

Në minutën e 84-të, Salah vulosi fitoren e Liverpoolit, kur shënoi për 2-0, shkruan telegrafi.

Pas javës së 11-të, Liverpooli vazhdon si lider me 28 pikë, ndërsa në xhiron e 12-të përballen me Southamptonin.