S’ndalet Asllani, shënon golin e tetë në Bundesligën 2

Sulmuesi i Kombëtares së Kosovës, Fisnik Asllani, ka vazhduar me performancën e shkëlqyer tek Elversberg në Bundesligën 2.

Reprezentuesi i Kosovës, ka realizuar gol në fitoren e Elversberg në udhëtim tek Fortuna Dusseldorf (0-2).

Asllani shënoi gol në minutën e 58-të duke kaluar Elversberg-un në epërsi prej 1-0, gol ky i teti për sulmuesin kosovar këtë sezon, derisa ai ka edhe katër asistime.

Me këtë fitore, Elversberg e sheh veten në pozitën e tretë me 22 pikë.