Shtanget Liverpool-i, Salah drejt Arabisë Saudite

Krerët e Ligës Pro Saudite janë të bindur se do të transferojnë yllin e Liverpoolit, Mohamed Salah gjatë verës që po vjen.

Sipas “The Telegraph”, një burim i afërt më lojtarin ka pohuar se sulmuesi egjiptian ‘mbetet i interesuar’ për transferimin në Arabinë Saudite.

Megjithatë, e ardhmja e Salah-ut mbetet e pasigurt, pavarësisht aluzioneve të tij për një largim të mundshëm nga Liverpool.

Kontrata e tij me klubin nga ‘Anfield’ skadon në fund të sezonit, dhe deri më tani, palët nuk kanë arritur marrëveshje për rinovim e kontratës së re.

Plani fillestar i sauditëve është ta joshin 32-vjeçarin drejt Al-Hilal gjatë afatit kalimtar të verës që po vjen, përpara Kupës së Botës për Klube. Ata shpresojnë që Salah të luajë në këtë  garë të re, duke i dhënë publicitet të madh Ligës Pro Saudite.

Sidoqoftë, “The Telegraph” raporton se ky skenar nuk do të realizohet, pavarësisht vendimit të fundit që do të marrë Salah për të ardhmen e tij me Liverpool.