Shqipëria zhvillon seancën e fundit në “Air Albania”, nesër niset drejt Moldavisë

Shqipëria po vazhdon përgatitjet për dy ndeshjet e fundit kualifikuese për Kampionat Evropian.

Sfida e radhës e “kuqezinjve” është Moldavia, me të cilën përballen të premten, shkruan lajmi.

Kombëtarja shqiptare zhvilloi sot seancën e fundit stërvitore në “Air Albania” dhe ata do të udhëtojnë paraditen e nesërme drejt Moldavisë.

Ndryshe nga ditët e tjera, këtë të martë 24 lojtarët e thirrur nga trajneri Sylvinho  u stërvitën në stadium.

Skuadra mori ngarkesë të plotë fizike, ndërsa stërvitja e ditës së sotme u fokusua më shumë te loja me top.

Kombëtarja ndeshjen e fundi të këtij muaji e ka kundër Ishujve Faroe më 20 nëntor në Tiranë.

Shqipërisë i nevojitet vetëm një pikë nga dy ndeshjet e fundit, atë kundër Moldavisë në udhëtim dhe Ishujve Faroe në shtëpi, për të siguruar plasmanin në Evropian që mbahet në Gjermani vitin e ardhshëm.